ကိုယ်ဝန်ဆောင်မိခင်များလိုက်နာဆောင်ရွက်ရန်

ကိုယ်ဝန်ဆောင်စောင့်ရှောက်မှုကို ကျွမ်းကျင်သူကျန်းမာရေးဝန်ထမ်းထံတွင် အနည်းဆုံး (၄) ကြိမ်ခံယူပါ။
1.    ပထမအကြိမ် - ကိုယ်ဝန် (၄) လအတွင်း (စောနိုင်သမျှစောစော)
2.    ဒုတိယအကြိမ် - ကိုယ်ဝန် (၆) လအတွင်း 
3.    တတိယအကြိမ် - ကိုယ်ဝန် (၈) လအတွင်း
4.    စတုတ္ထအကြိမ် - ကိုယ်ဝန် (၉) လအတွင်း

ကိုယ်ဝန် ပထမ (၁၂) ပတ်အတွင်း ပုံမှန်သောက်သုံးရန် လိုအပ်ပါသည်။

သန္ဓေသားတွင် မွေးရာပါဦးနှောက်နှင့် အာရုံကြောဆိုင်ရာ ချို့ယွင်းခြင်းများ (Neural tube defects) မှ ကာကွယ်ရန်ဖြစ်ပါသည်။

ကျွန်ုပ်တို့ခန္ဓာကိုယ်အတွက်လိုအပ်သည့် သွေးကလပ်စည်းများ ဖွဲ့စည်းရန်အတွက် သံဓာတ်အဓိက လိုအပ်ပါသည်။ ကိုယ်ဝန်ဆောင်မိခင်များသည် မိမိကိုယ်တိုင်သာမက သန္ဓေသားအတွက်ပါ (၂) ယောက်စာပိုမို လိုအပ်ပါသည်။ သံဓာတ်လုံလောက်စွာမရရှိလျှင် သံဓာတ်ချို့တဲ့သွေးအားနည်းရောဂါဖြစ်လာနိုင်ပြီး ကလေးပုံမှန်မထွားကြိုင်းခြင်း၊ အချိန်စောမွေးခြင်း တို့ ဖြစ်လာနိုင်ပါသည်။

သန့်ရှင်းပေါ့ပါး ချောင်ချိ၍ ရာသီဥတုနှင့်ကိုက်ညီသော အဝတ်အစားများကိုဝတ်ဆင်ပါ။

ကိုယ်ဝန်ဆောင်မိခင်များ မေးခိုင်ကာကွယ်ဆေး (၂) ကြိမ်ထိုးပါ။

ဗီတာမင် ဘီဝမ်း ကြွယ်ဝသော အစားအစာများမှာ -
- ပဲအမျိုးမျိုး
- မောင်းထောင်းဆန်၊ လုံးတီးဆန် (ဆန်လုံးညို)၊ လျော့ကြိတ်ဆန်
- နေကြာစေ့၊ နှမ်းစေ့ စသည့် အစေ့အစံများ
- ကညွတ်၊ ဂေါ်ဘီထုပ် စသည့် ဟင်းသီးဟင်းရွက်များ
- ဝက်သား (အသား) တို့ဖြစ်သည်။

ကိုယ်ဝန်ဆောင်များသည် မွေးဖွားရန်အတွက် အခြေခံအကျဆုံး လိုအပ်သောပစ္စည်းများကို စုဆောင်းထားရမည်။ ၄င်းတို့မှာ -
o    သန့်ရှင်းပြီးအနွေးဓာတ်ရှိသော အခန်းတစ်ခန်း (သို့) အခန်း၏ထောင့်တစ်နေရာ
o    ပိုးသန့်စင်ထားသည့် တစ်ခါသုံးမွေးဖွားအိတ်ငယ်တစ်ခု
o    မိခင်နှင့်ကလးအတွက် သန့်ရှင်းသော အဝတ်အစားများ
o    သန့်ရှင်းသော အနှီးပိတ်များ၊ အိပ်ရာခင်း၊ အဝတ်စများ

မွေးဖွားရန်လိုအပ်သည့် သန့်စင်ခြင်း (၆) မျိုးသည် နီးစပ်ရာကျန်းမာရေးဌာန၊ ကျန်းမာရေးဌာနခွဲများတွင် ပြီးပြည့်စုံပြီးဖြစ်ပါသဖြင့် ကျန်းမာရေးဌာနများတွင် သွားရောက်မွေးဖွားသင့်ပါသည်။ အကယ်၍မသွားရောက်နိုင်ပါက အောက်ပါသန့်စင်ခြင်း (၆) မျိုးလိုအပ်ပါသည်။

၁။   သန့်စင်၍ ညီညာပြန့်ပြူးသော မွေးဖွားရန်နေရာ (ကိုယ်ဝန်ဆောင်အမျိုးသမီး မွေးဖွားမည့်နေရာ ဥပမာ-ကုတင်၊ ကြမ်းပြင် စသည်များ)

၂။   မွေးဖွားပေးမည့်သူ၏ သန့်စင်သောလက်များနှင့် ပိုးသတ်ပြီး လက်အိတ်များ

၃။   ချက်ကြိုးဖြတ်ရန်အတွက် သန့်စင်သော ဘလိတ်ဓား/ကတ်ကြေး (ပိုးသန့်စင်ပြီး (သို့) ပြုတ်ပြီး)

၄။   သန့်စင်သော ပိုးမွှားကင်းစင်ပြီး ချက်ကြိုးချည်သည့်ကြိုး (ပိုးသန့်စင်ပြီး (သို့) ပြုတ်ပြီး) ချက်ညှပ် ကလစ်

၅။   ကလေးငယ်အား ထုပ်ပိုးရန် သန့်စင်သောအနှီးပိတ်နှင့် ဝတ်ရန်အဝတ်များ၊ ဦးထုပ်၊ခြေအိတ်

၆။   မိခင်အတွက် သန့်စင်သောအဝတ်အစားများ

* Spina bifida – မွေးရာပါ အာရုံကျောရိုးမကြီး ချို့ယွင်းခြင်း
* Anencephaly – မွေးရာပါ ဦးခေါင်းခွံနှင့် ဦးနှောက်အစိတ်အပိုင်းများ မပါလာခြင်း
* Encephalocele – ဦးနှောက်အစိတ်အပိုင်းတွေက ချို့ယွင်းချက်ရှိသည့် ဦးခေါင်းခွံမှတစ်ဆင့် အပြင်ဘက်သို့ထွက်နေခြင်း တို့ဖြစ်သည်။

သံဓာတ်ကြွယ်ဝသည့် အစားအသောက်များမှာ အမဲသား၊ ကြက်သား၊ ကြက်ဆင်သား၊ ဝက်သား၊ ကမာ၊ ဂုံး၊ ကွေကာအုတ်၊ စပျစ်သီးခြောက်၊ ပဲအမျိုးမျိုး၊ ပဲနို့ စသည်တို့ ဖြစ်သည်။